قصيدة بعنوان ( الشمعه 28) للشاعر / محمود رفعت والي

الشمعه ٢٨

قلقان من بكرا وخايف منه

الحلم زرعته وبسقيه بالصبر

 والقهر بيحفر اسمه

 وترتيل الحزن بتزحف

 جوه ضلوعي

 الشمعه التامنه والعشرين

 بتنحت جوايا مداين

وبتبني حروف

 الشعر تملي بيحييني

وينبض جويا

 ويصحي جروحي البهتانه

البنوته اصلا قلقانه ف عش البوح

 بفتكرك وكل م أتناسى بفتكرك

 وكل م افتكرك أغوص ف بحر

 دموع

 وكل م أغوص أفتكر اني

مبعرفش أعوم

بتناسى الماضي لعلي أنساه

 والفكره اني افرح بكرا بضمير

 وكتير الشوك جوه حروفي

 بيكعبل عفاريت الشوق

 بشتاق بشتاق ولآخر عمري انا

المشتاق

ع الحضن السعيد

 مع انه عنيد

 الشمعه التامنه والعشرين كدابه

 انا عشت كتير

انا شايب اصلا م التفكير

 ولسايا بغير

هنطفي الشمعه ف ليل خداع

وهنفضل نسيب يعضينا

 ونقضيها وداع